Լողի նոր ռեկորդ և նոր տպավորություններ

Դավիթ Համբարձումյանի անվան լողավազանում, Համահայկական 5-րդ  խաղերի շրջանակներում, ավարտվեց  լողի մրցութային առաջին փուլը: Մասնակիցները մրցեցին հետևյալ լողատարածություններում. 50մ(կրոլ),100մ(բրաս), 200մ(ազատ ոճ)` միայն տղամարդիկ, էստաֆետա` միայն կանայք:  50մ կրոլ  լողաոճում  իրեն հավասարը չունեցավ Երևանը ներկայացնող Մոնիկա Հարությունյանը, ով սահմանեց Հայաստանի և Համահայկական խաղերի նոր ռեկորդ:Նույն տարածությունում տղամարդկանցից փայլուն հանդես եկավ  Խոսե Մելքոնյանը (Մոնտեվիդեոյից), նա առաջինն էր նաև 100մ բրաս ձևում:Կանանցից` նույն տարածությունում, հաղթեց Մարիա Հարությունյանը  Տարտուից: 200մ ազատ ոճում պատվո հարթակի առաջին աստիճանին կանգնեց  Էմին Նավշադյանը: Էստաֆետայում առաջինն էր Երևանի հավաքականը:

 Բացման հանդիսավոր արարողությունը տպավորել էր մասնակիցներին: Գոհ էին և՛ ընդունելությունից, և՛ կազմակերպչական աշխատանքներից:
 Ռեկորդակիր Մոնիկան` ցնցված էր իր հաղթանակից և  ուրախությունը շտապում էր կիսել ընտանիքի անդամների հետ:Նրա խոսքերով` հասցրել է ծանոթանալ և ընկերանալ մասնակիցների հետ: 50մ (կրոլ) և 100մ(բրաս) լողաոճերում հաղթած Խոսե Մելքոնյանը` գոհունակությամբ նշեց,որ հարմարվել է տեղի պայմաններին և ուրախ է լինել հայրենիքում:
 Առջևում մրցութային երկրորդ օրն է:

 Շուշան Հակոբյան