Ռաուլը նոր ռեկորդ սահմանեց

«Շալկեի» իսպանացի հարձակվող Ռաուլ Գոնսալեսը, ով դարձավ «Վալենսիայի» դեմ Չեմպիոնների լիգայի 1/8 եզրափակիչի առաջին խաղի պատասխան գոլի հեղինակը, արդյունավետության ռեկորդ սահմանեց եվրագավաթներում:

Խաղից հետո «Վալենսիայի» գլխավոր մարզիչ Ունայ Էմերին կիսվել է իր տպավորություններով. «Մրցակցին հաջողվեց հավասարեցնել հաշիվը, ուրեմն նրանք արժանի էին դրան։ Եթե չլիներ Ռաուլի խփած գոլը, ես կասեի, որ իմ թիմը լավ է խաղացել։ Վիսենտե Գուաիտան մի քանի անգամ փրկեց մեզ, սակայն արդյունքում «Շալկեն» հասավ իր նպատակին։ Մենք ինքներս էլ բաց թողեցինք մի քանի գոլային պահեր»։

33-ամյա ֆուտբոլիստի հաշվին հիմա 70 խփած գոլ կա: Նախորդ նվաճումը պատկանում էր գերմանացի Գերդ Մյուլլերին՝ 69 գոլ: