Ռունին մտավախություններ ունի

«Մանչեսթեր Յունայթեդի» հարձակվող Ուեյն Ռունին կարծում է, որ հաջորդ մրցաշրջանում հենց «մերսիսայդցիները» կլինեն «կարմիր սատանաների» գլխավոր մրցակիցը երկրի առաջնությունում. հաղորդում է goal.com-ը։

«Լիվերպուլը» 4 լավ ֆուտբոլիստ է ձեռք բերել։ Բացի այդ` նրանց մարզիչը Քենի Դալգլիշն է։ Այս մասնագետի գլխավորությամբ թիմը շատ բանի է ընդունակ։ Կարծում եմ՝ հաջորդ մրցաշրջանում նրանք տրամադրված են հաղթել Պրեմիեր լիգան:  Վերջին տարիներին լավ զարգացել է նաև «Մանչեսթեր Սիթին»։ Կարծում եմ, որ արդեն հաջորդ մրցաշրջանում նրանք կարող են մեզ հետ պայքարի մեջ մտնել: Առաջնությունում մեր գլխավոր մրցակիցներն են «Չելսին», «Լիվերպուլը», «Արսենալը» և «Մանչեսեր Սիթին»,- ասել է Ռունին։