Forbes-ը լկտի է, բայց կարող է նաեւ լինել լավը

Forbes-ը, ինչպեսեւ մյուս լրատվամիջոցները պարզապես լրատվություն վաճառող ընկերություններ են, եւ այս դաշտում բարոյականություն ասվածը չկա. այսօր լրագրողների հետ հանդիպման ժամանակ ասաց ԱԺ ՀՀԿ պատգամավոր Մանվել Բադեյանը` հավելելով, որ ներկայումս լրատվամիջոցները պայքարի «լկտի միջոցներ» են:

«Ես ասում եմ, որ այդ տեսակ ռեյտինգային գործակալությունների գնահատականներին լուրջ վերաբերվել պետք չէ, որովհետեւ ինֆորմացիա տրամադրելու դրդապատճառներն այլ են, եւ դրանք բացարձակ կապ չունեն խորը տնտեսագիտական վերլուծությունների արդյուքների հետ: Ում պետք է` վարդագույն են ներկայացնում, ում ոչ` սեւացնում են»,- ասաց պատգամավորը:

ՀՀԿ-ական պատգամավորը չխոսեց սակայն այն մասին, որ երբ նույն այս վարկանիշային գործակալությունները մեկ սանդղակով էլ վեր են հանում Հայաստանին, իշխանական լրատվամիջոցները չեն զլանում օրերով թմբկահարել դա: