Լեհական ֆիլմերը` "Ոսկե ծիրան"-ում

«Ոսկե ծիրան» կինոփառատոնին իր ֆիլմերն է ներկայացրել նաև լեհ կինոռեժիսոր Վոլչեխ Մարչևսկին, որի առաջադրած 15 գործերից «Փախուստ «Ազատություն» կինոթատրոնից» ֆիլմը նկարահանվել է Լեհաստանի կոմունիստական վարչակարգի վախճանից անմիջապես առաջ:

Գլխավոր հերոսը գավառական գրաքննիչ է` հոգնած, անփույթ, միայնակ մարդ, որի կինը վաղուց հեռացել է: Նրա համար գրաքննությունը և' արվեստ է, և' խաղ, բայց նա հաճույք չի ստանում դրանից:

Մարչևսկին համոզված է, որ ռեժիսորի գործը ոչ միայն մասնագիտություն է, այլև կոչում.«Ռեժիսորը պետք է գործի այն ժամանակ, երբ կարևոր ասելիք ունի»:

Ռեժիսորի խոսքով` լեհական կինոմատոգրաֆիան սկսել է առաջընթաց ապրել: Նախկինում` մինչեւ կինոդպրոցների բացումը, պետական աջակցություն չի եղել, իսկ այժմ ամեն ինչ փոխվել է:

Նշենք, որ լեհական կինոդպրոցներից մեկում սովորում է նաեւ մեկ հայ ուսանող: