Միքայելյանը չի պատրաստվում գումար խնդրել Հայրապետյանից

Հայաստանի հավաքականի նախկին ֆուտբոլիստ Կարապետ Միքայելյանը, Р-Спорт-ի հետ զրույցում հայտարարել է, որ չի պատրաստվում գումար խնդրել Հայաստանի ֆուտբոլի ֆեդերացիայի նախագահից:

«Անձամբ ինձ հետ ոչ ոք չի շփվել: Հայ լրագրողներից մեկը զանգահարել է կնոջս և ասել  այն համարները, որոնցով պետք է զանգահարել: Սակայն ես չեմ պատրաստվում զանգահարել: Բացատրեմ միտքս: Ես օգնություն եմ խնդրել, բայց, միևնույն ժամանակ, ցանկություն չունեմ զանգահարելու՝ օգնություն և գումար խնդրելու: Ես դա չեմ ուզում: Բոլոր հաշիվները հասանելի են: Եթե նրանք ինչ-որ գումար ուղարկեն, ես շնորհակալություն կհայտնեմ: Շնորհականություն կհայտնեմ նաև այն պարագայում, եթե չուղարկեն, քանի որ  արդեն արձագանքել են՝ իմանալով հիվանդությանս մասին»,- ասել է Միքայելյանը:

Հիշեցնենք, որ ֆուտբոլիստի սիրտը 3 անգամ դանդաղ է աշխատում և հավանական է, որ սրտի փոխպատվաստում անհրաժեշտ լինի, որն էլ 25-30 հազար դոլար կարժենա:

Ավելացնենք նաև, որ ՀՖՖ նախագահ Ռուբեն Հայրապետյանը հայտարարել է, որ պատրաստ է ողջ գումարը վճարել: