Արձագանքը` դրսից

Երևանի «Արարատ» ակումբի ֆուտբոլային թիմի գլխավոր մարզիչ Արկադի Անդրեասյանի և նրան ուղեկցող անձանց գործողությունների կապակցությամբ ոստիկանությունում նյութեր են նախապատրաստվում։ Կատարվում է նախաքննություն:

Շաբաթ օրը Արկադի Անդրեասյանը և նրան ուղեկցող անձինք ծեծի էին ենթարկել ֆոտոլրագրող Աշոտ Առուշանյանին, որը փորձել էր լուսանկարել մարզչին։

Հավելենք նաև, որ միջազգային ԶԼՄ-ներն էլ անտարբեր չեն մնացել: «Ավելի ուշ Առուշանյանը կոտրած ծնոտով և ուղեղի ցնցումով հիվանդանոց է տեղափոխվել: 63-ամյա Անդրեասյանը հենց նույն երեկո տեղափոխվել է ոստիկանական բաժանմունք, որտեղ էլ դեպքի առնչությամբ ցուցմունք է տվել»,- մեջբերում է football.ua-ն: