Տնօրենը "տեղում չէ"

Մեզ հասած տեղեկություններով` Վանաձորի «Սուրբ Նարեկ» մանկական հիվանդանոցում ծնողներից դեռ մուտքի մոտ 5000-ական դրամ են գանձում,  հետո միայն թույլ տալիս մտնել այս կամ այն բժշկի մոտ:

Արդեն երկու օր է` մեր թերթը փորձում է կապ հաստատել հիշյալ հիվանդանոցի տնօրեն Մհեր Մարգարյանի հետ, սակայն վերջինիս գործավարուհին, պարզելով, որ զանգահարողը լրագրող է, միանգամից պատասխանում է` «տնօրենը տեղում չէ»:

Դե, եթե տնօրենը տեղում չէ, մենք էլ կփորձենք առողջապահության նախարարությունից ճշտել, թե ինչ հիմունքներով են գանձվում այդ գումարները, եւ արդյո՞ք ոչ բոլոր հիվանդանոցներում է 0-7 տարեկան երեխաների բուժսպասարկումն անվճար: