25 04 2024
|
||
---|---|---|
EUR | ⚊ | 416.73 |
GBP | ⚊ | 485.98 |
GEL | ⚊ | 144.6 |
RUB | ⚊ | 4.22 |
USD | ⚊ | 388.6 |
NEWS.am-ի տեղեկություններով՝ համավարակի ընթացքում կատարված չարաշահումների վարույթի շրջանակում հարցաքննվել է «Սուրգ Գրիգոր Լուսավորիչ» բժշկական կենտրոնի տնօրեն Արման Հովակիմյանը:
Հակակոռուպցիոն կոմիտեի մամուլի խոսնակ Մարինա Օհանջանյանը մեզ հետ զրույցում ասաց, որ կոմիտեում քննվող որեւէ վարույթում Հովակիմյանը մեղադրյալի կարգավիճակ չունի, իսկ արդեն հարցաքննությունների վերաբերյալ տեղեկություն կոմիտեն չի հայտնում:
NEWS.am-ը կապ հաստատեց նաեւ բժշկական կենտրոնի մամուլի ծառայության հետ, որտեղից մեզ հայտնեցին. «Տեղեկությունը չի համապատասխանում իրականությանը»:
Հիշեցնենք, որ մարտի 10-ին, ԱԱԾ-ն խուզարկություն էր իրականացրել փոխքաղաքապետ Գեւորգ Սիմոնյանի աշխատասենյակում։ Նա ավելի ուշ ձերբակալվել էր, ապա կալանավորվել։
Ըստ Հակակոռուպցիոն կոմիտեում քննվող վարույթի՝ Գեւորգ Սիմոնյանը, 2020-2022թթ. ընթացքում զբաղեցնելով ՀՀ առողջապահության նախարարի տեղակալի պաշտոնը, անձնական շահագրգռվածությունից ելնելով չի կատարել իր ծառայողական պարտականությունները, որի հետեւանքով էական վնաս է պատճառվել պետության օրինական շահերին: Նախաքննությունը շարունակվում է: