ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. Եհովայի վկաները եւ Միկա Բաղդասարովը

«Չի» տեղեկություններով` «Եհովայի վկաներ» աղանդավորական կազմակերպության հետևորդներն իրենց հավաքներն անցկացնում են նախկին «Հայէլեկտրո» գործարանին պատկանող մարզադաշտում, որտեղ այժմ տեղակայված է «Միկա» մարզադաշտը:

Ինչպես հայտնի է, «Միկա» ֆուտբոլային ակումբը, համանուն մարզադաշտը, ինչպես նաև «Միկա» բրենդ կրող այլ ընկերությունները պատկանում են գործարար Միկա Բաղդասարովին:

«ՉԻ» տեղեկություններով` նա մարզադաշտը վարձակալական հիմունքներով տրամադրել է Եհովայի վկաներին` աղանդավորներին հնարավորություն տալով  հավաքվել այստեղ: Երևի տնտեսական ճգնաժամի պայմաններում սույն օլիգարխը մնացել է իր «օբյեկտից» վարձի տեսքով ստացվող գումարի հույսին: Եվ այս պարագայում նրա համար էական չէ` ովքեր են վարձակալները` հոգեորսնե՞րը, ֆուտբոլիստնե՞րը, թե՞ այլք:

Չենք զարմանա, եթե մի օր էլ հայտնի դառնա, որ Միկան Երևանի «Զվարթնոց» օդանավակայանում է «հարմար գներով» տաքուկ անկյուն է հատկացրել աղանդավորներին: