"Պեդոֆիլի ուղեցույց"-ի հեղինակին պատժել են

Ֆլորիդայի դատարանը ԱՄՆ քաղաքացուն, ով հեղինակել է «Պեդոֆիլի սիրո եւ հաճույքների ուղեցույց» սկանդալային գիրքը, երկու տարվա պայմանական ազատազրկման է դատապարտել:

Ինչպես հաղորդում է BBC-ն, դատարանը նրան մեղավոր է ճանաչել դեռահասների վերաբերյալ անպարկեշտ նյութեր տարածելու մեջ:

Գիրքը վաճառքի է հանվել Amazon ինտերնետային ֆորումում` անցյալ տարվա նոյեմբերին: 500-ից ավելի մեկնաբանություններ են եղել, որոնցում գիրքը որակվել է որպես զզվելի եւ վիրավորական:

Թեեւ արաձագանքը բացասական է եղել, Amazon-ի ներկայացուցիչները հայտարարել էին, որ այդ գիրքը վաճառքից հանելը որպես գրաքննություն կդիտվի եւ որեւէ քայլ չէին ձեռնարկել: