Հրդեհ` Սունդուկյանի անվան թատրոնում

Գաբրիել Սունդուկյանի անվան թատրոնի շենքում այսօր հրդեհ է բռնկվել:

ԵՐԿԻՐ-ի հետ զրույցում ԱԻՆ հասարակայնության հետ կապերի ծառայության աշխատակից Գոհար Բաղդասարյանն ասաց, որ ժամը 15:20-ին ճգնաժամային կառավարման կենտրոն ահազանգ է ստացվել, որ Երեւանի Գրիգոր Լուսավորչի 6 հասցեում հրդեհ է բռնկվել, նախնական տվյալներով` Գ. Սունդուկյանի անվան թատրոնում:

Ժամը 15:21-ին այնտեղ է մեկնել 6 մարտական հաշվարկ: Տեղում պարզվել է, որ այրվում է թատրոնի փայտե դեկորների պատրաստման արտադրամասը: Հրդեհը մարվել է 15.30-ին:

Այրվել է թատրոնի նշված արտադրամասի հատակը` նախնական տվյալներով` 4 քմ մակերեսով, սակայն, ինպես նշեց Գոհար Բաղդասարյանը, այրվել է ընդամենը 2քմ տարածք: