Հրաժարական է տվել` գիտությամբ զբաղվելու համար

«Հրաժարականի դիմումս ներկայացրել եմ գիտական աշխատանքի անցնելու պատճառով»,- այսօր լրագրողների հետ հանդիպման ժամանակ Թաթուլ Մանասերյանը տեղեկացրեց իր`  ՀՀ Ազգային ժողովի նախագահի տնտեսական հարցերով խորհրդականի պաշտոնից հրաժարվելու մասին:

«Ես մտադիր եմ ավելի լուրջ ուշադրություն դարձնել տնտեսագիտական ուսումնասիրությունների, որի պահանջարկը, կարծում եմ, մեծ է այսօր, եւ համախմբելու եմ իմ գործընկերներին` պատշաճ աշխատանք կատարելու համար»,- ասաց նա:

Թ. Մանասերյանը հավելեց, թե, չնայած հրաժարականի դիմումին, եթե հետագայում էլ իր մասնագիտական օգնության կարիքը լինի տնտեսությանը վերաբերող օրենքների, որոշումների եւ ռազմավարության մշակման հարցում, ապա չի մերժի:

Նշենք, որ Թ. Մանասերյանը «Այլընտրանք» հետազոտական կենտրոնի հիմնադիրն է, որի գործառույթներն են լինելու երկրի տնտեսական միջավայրը քննադատական հայացքով վերլուծելն ու գնահատելը: