Պատերա՞զմ, թե՞ բանակցություններ

Հեշտ է քննադատել` ասելով, որ Մինսկի խումբը բավական երկար ժամանակ իրականացնում է որոշակի գործառույթներ, սակայն արդյունքը չի երեւում. այսօր նշել է քաղաքագետ Ալեքսանդր Մարկարովը:

Ղարաբաղա-ադրբեջանական հակամարտության մեջ, ըստ նրա, այսօր առկա են ե'ւ դրական, ե'ւ բացասական կետեր: Քաղաքագետը դրական է համարում այն, որ հաստատված է միջնորդական ձեւաչափ, եւ մենք միջազգային ներգրավվածություն ունենք բանակցային գործընթացում:

Դրական է նաեւ այն, որ գոնե կարճաժամկետ հեռանկարում կողմերը պարտավոր են պահպանել առկա բանակցային ձեւաչափը եւ մասնակցել բանակցային գործընթացին:

Բացասական կողմերից մեկը, ըստ բանախոսի, այն է, որ մենք բանակցային գործընթացի մանրամասներին տեղյակ չենք, չունենք նաեւ կողմերի միջեւ համաձայնեցված որեւէ փաստաթուղթ: Քաղաքագետն առաջարկում է մշակել նման բազային փաստաթուղթ: «Կողմերը գոնե պետք է հաստատեն, որ շարունակում են կողմնակից լինել ոչ թե ուժի կիրառմանը, այլ խնդիրը բանակցությունների միջոցով լուծելուն»,- նշել է Մարկարովը: