Հակառակը չէինք էլ սպասում

Երևանի Կենտրոն և Նորք-Մարաշ համայնքների ընդհանուր իրավասության դատարանն այսօր ընդդեմ «Հայկական ժամանակ» օրաթերթի վճիռ էհրապարակել։

ԱԺ պատգամավորներ Ռուբեն Հայրապետյանի, Սամվել Ալեքսանյանի և Լևոն Սարգսյանի օգտին «Հայկական ժամանակից» խոշոր գումարկբռնագանձվի։

Օրաթերթի թողարկման պատասխանատու Հարկ Գեւորգյանը «Երկիր»-ին տեղեկացրեց, որ իրենք պատրաստվում են վճիռը բողոքարկել Վերաքննիչ դատարանում, իսկ երբ «իշխանությունների սեփական դատարանները»  սպառվեն, իրենք կդիմեն նաեւ Եվրադատարան:

Հայկ Գեւորգյանն այս որոշումը մամուլի համար շատ վտանգավոր որակեց. «Մենք մեր նյութում հղում էինք արել, հստակ գրել էինք` ինչպես ասում է Սամվել Կարախանյանը... և նա ասում է, եթե գործ ունեն, թող ինձ հետ ունենան, բայց իրենք «Հայկական ժամանակ»-ին են դատի տվել»,- պատմեց թողարկման պատասխանատուն` չբացառելով, որ նման դեպք այսուհետ կարող է ցանկացած լրատվամիջոցի հետ էլ տեղի ունենալ:

Հիշեցնենք, որ պատգամավորները թերթի դեմ հայց էին ներկայացրել այն հրապարակման համար, որտեղ նշվում էր, որ ՌԴ-ում հարուցված միշարք քրեական գործերում հիշատակվում է նաև նրանց անունները։

Դատարանի վճռով`  «Հայկական ժամանակը» պարտավորվում է պատգամավորներից յուրաքանչյուրին վճարել 2 մլն 44 հազար դրամ։