Խելացի մարդն ապրում է 100 եւ ավելի տարի

Գեղեցիկ տղամարդկանց ու կանանց բախտը, անշուտ, բերում է: Սակայն պարզվում է` դրա դիմաց բնությունը նրանցից ոչինչ չի պակասեցրել:

Վերջերս բրիտանացի գիտնականները հայտնաբերել են, որ հրապուրիչ մարդիկ շատ ավելի խելացի են: Նրանց IQ-ի մակարդակը, որպես կանոն, 14 կետով բարձր է միջինից: Կարելի է ասել, որ հիմար շիկահարների մասին առասպելը վերջնականապես հօդս է ցնդել:

Արիզոնայի համալսարանի գիտնականներն ասում են, որ կյանքի տեւողությունն անմիջականորեն կապված է ինտելեկտի գործակցի հետ: Որքան խելացի է մարդը, այնքան ավելի շատ հնարավորություն ունի ապրելու մինչեւ հարյուր եւ նույնիսկ ավելի տարի:

Նորվեգացի հայտնի մասնագետ Գրո Ադամը բացատրում է, որ ամբողջ հարցը ստրեսակայունության մեջ է: Հատկապես դիմացկուններն են ավելի լավ սովորում, որովհետեւ նոր բաները նրանց չեն տագնապում, եւ շատ են ապրում: