ԵՐԿԻՐ. Հավերժ համառ լուռ մեր ԱԳՆ

Բոսնիա – Հերցեգովինայի արտաքին գործերի նախարար Սվեն Ալքալայը Բաքվում հայտարարել է, թե իրենք պաշտպանում են Ադրբեջանի ինքնիշխանությունն ու տարածքային ամբողջականությունը Ղարաբաղյան հակամարտության կարգավորման հարցում:

«2011-ից Բոսնիա-Հերցեգովինան ՄԱԿ-ի Անվտանգության խորհրդի անդամ է եւ շարունակելու է պաշտպանել Ադրբեջանին ու հետեւել այս դիրքորոշմանը»,- հավելել է Ալքալայը:

Գրեթե միաժամանակ տեղեկատվություն տարածվեց, թե իբր Լեհաստանի արտգործնախարարությունը կոչ է արել իր քաղաքացիներին` խուսափել մուտք գործել Լեռնայի Ղարաբաղ:

Երեկ ողջ օրվա ընթացքում ո'չ Բոսնիա-Հերցոգովինայից, ոչ էլ Լեհաստանից հնչած այս դիրքորոշումների կապակցությամբ պաշտոնական Երեւանից ոչ մի մեկնաբանություն չհնչեց: Արձագանքեց միայն ԼՂՀ արտգործնախարարությունը, որի ձայնը, սակայն, առայժմ ոչ ոք լսել չի ուզում: