Ջավախքի դպրոցները դասագրքի խնդիր չունե՞ն

50 հազար դասագիրք է տպագրվել սփյուռքի դպրոցների համար կրթության եւ գիտության նախարարության կողմից, եւ բոլոր գրքրեը առաքվել են: Այս մասին լրագրողների հետ հանդիպման ժամանակ ասաց ԿԳ նախարար Արմեն Աշոտյանը:

Խոսքը վերաբերում  է նաեւ Ջավախքի հայկական դպրոցներին: 2011 թվականին այնտեղի դպրոցներ են առաքվելու նաեւ դիդակտիիկ, ուսումնաօժանդակ նյութեր:

Իսկ ներկայումս, ըստ նախարարի, առաջիկա ժամանակահատվածում Ջավախքի դպրոցների դասագրքերի խնդիրը լուծված է: 

Այս տարի վերապատրաստվել է նաեւ 100 հայ ուսոցիչ Ջավախքից:

Սփյուռքահայ դպրոցականների համար ստեղծվել է նաեւ էլեկտրոնային գրադարան, որտեղ տեղադրված է ութ ուսումնական ձեռնարկ: Դրանք հնարավոր է օգտագործել առցանց, ինչպեսեւ ներբեռնել: Ներկայումս այդ գրադարանից օգտվողների թիվը 6000 է: