Որոշակի մակարդակից վեր այլ կանոններ են գործում

ԱԺ խմբակցությունների ներկայացուցիչներն այսօր ճեպազրույցների ընթացքում անդրադարձել են Երեւանի քաղաքապետի եւ արդարադատության նախարարի պաշտանանկություններին:

 
Անդրադառնալով Գագիկ Բեգլարյանի հրաժարականին` ՕԵԿ խմբակցության ղեկավար Հեղինե Բիշարյանն ասաց. «Ես վերջին օրերի ներքաղաքական զարգացումները համարում եմ նորմալ, եւ կարծում եմ, որ այն, ինչ տեղի է ունեցել բոլորիս աչքի առջեւ, ստացել է իր ճիշտ գնահատականըե: Հետո նաեւ շեշտեց, որ ինքը ոչ թե երեւույթն է նորմալ համարում, այլ դրա հետեւանքները:

 «Ժառանգությունե խմբակցության ղեկավար Ստյոպա Սաֆարյանը հայտարարեց, որ գնահատական չի տալու այնքան ժամանակ, քանի դեռ սովորական քաղաքացիներին ծեծող պաշտոնյաները եւս չեն պատժվել:

 ՀՅԴ խմբակցությունը ներկայացնող Արծվիկ Մինասյանի կարծիքով` «մաքուր էջ սկսելու հիմքեր դեռ չկան, մաքուր էջը սկսվում է նոր ընտրություններովե: Իսկ խմբակցության քարտուղար Արտաշես Շահբազյանի համոզմամբ, մեզ մոտ խնդիրները հաճախ լուծվում են այնպես, ինչպես ջունգլիներում: «Գուցե կոպիտ ասացի, բայց ուղիղ ասացի այն, ինչ որ կա: Այսինքն` օրենքը, քաղաքակիրթ փոխհարաբերությունները, կարծես, որոշակի մակարդակից վեր շատ քիչ է գործում, կամ գործում է այլ կանոններովե,- ասաց Արտաշես Շահբազյանը:

 ԲՀԿ-ից Նաիրա Զոհրաբյանն էլ ասաց, որ նախագահը իր մեկնաբանության մեջ հստակ ամեն ինչ ասել է եւ Հայաստանում իրենց օրենքից վեր դասող մարդիկ չպիտի լինեն:

 ՀՀԿ խմբակցության ղեկավար Գալուստ Սահակյանն էլ մեկնաբանելով Գեւորգ Դանիելյանի պաշտոնանկությունն ասաց. «Ժամանակին Սոս Սարգսյանն էլ նախագահի թեկնածու էր, մարդու բարեմասնությունները չի նշանակում, որ նա նախարար պիտի աշխատի, կամ հավերժ մնաե:

Գալուստ Սահակյանը չցանկացավ նշել ոչ Արդարադատության  նախարարի, ոչ էլ Երևանի քաղաքապետի պաշտոնի հավանական թեկնածուների անունները: