Ռուսաստանի դեսպանը պարգևատրել է հայաստանցի երիտասարդ ակտիվիստներին

Երիտասարդության համաշխարհային փառատոնի նախապատրաստման և անցկացման գործում ունեցած ավանդի համար ՀՀ-ում Ռուսաստանի դեսպան Սերգեյ Կոպիրկինը պարգևատրել է հայաստանցի երիտասարդ ակտիվիստներին: Այս մասին հայտնում են դեսպանատան մամուլի ծառայությունից։
Ռուսաստանի նախագահ Վլադիմիր Պուտինի անունից հուշամեդալներ են հանձնվել Երիտասարդության համաշխարհային փառատոնի համակարգող Հայկ Դերզյանին և Հայաստանում ռուսական բուհերի ուսանողների ասոցիացիայի նախագահ, Հայաստանի ռուսաստանցի հայրենակիցների համակարգող խորհրդի երիտասարդական թևի անդամ Տիգրան Մալխասյանին:

Ռուսաստանի դեսպանը պարգևների արժանանալու կապակցությամբ շնորհավորել է հասարակական գործիչներին՝ ընդգծելով նրանց ներդրումը երկու երկրների միջև մշակութային և հումանիտար կապերի զարգացման գործում:

«Երիտասարդության համաշխարհային փառատոնը, որն անցկացվել է ձեր անմիջական մասնակցությամբ, աշխարհին ցույց տվեց Ռուսաստանի բաց լինելը, երկխոսության և համագործակցության պատրաստակամությունը»,- նշել է Կոպիրկինը:

Նա ընդգծել է, որ ակտիվիստները ի սրտե դարձել են ռուս-հայկական բարեկամության առաջնորդողներ և շարունակում են իրենց լուման ներդնել երկու երկրների երիտասարդ սերնդի ներկայացուցիչների միջև երկխոսության ամրապնդման գործում: