Իրանում հակամարտության վերսկսումն աղետալի կլինի Մերձավոր Արևելքի համար․ ԿԽՄԿ նախագահ

Ռազմական գործողությունների վերսկսումն Իրանում և ամբողջ տարածաշրջանում կործանարար հետևանքներ կունենա միլիոնավոր քաղաքացիական անձանց համար։ Այս մասին հայտարարել է Կարմիր խաչի միջազգային կոմիտեի (ԿԽՄԿ) նախագահ Միրյանա Սպոլյարիչը Թեհրան կատարած այցի ժամանակ։

«Վեց շաբաթ տևած մարտական ​​գործողություններն Իրանը և ամբողջ Մերձավոր Արևելքը ներքաշել են պատերազմի մեջ, որը կործանարար է եղել քաղաքացիական բնակչության և այն ենթակառուցվածքների համար, որոնցից կախված է նրանց գոյատևումը: Ցանկացած վերադարձ այս ինտենսիվության և մասշտաբի հակամարտության աղետալի կլինի միլիոնավոր մարդկանց համար», - ասել է Սպոլյարիչը։