ՀՀ իշխանությունները քննարկում են Ադրբեջանի հետ պայմանագիրը միակողմանի կնքելու հնարավորությունը

Հայաստանի իշխանություններն այս պահին քննարկում են Ադրբեջանի հետ խաղաղության պայմանագրի համաձայնեցված տեքստը միակողմանիորեն ստորագրելու հնարավորությունը։ Այս մասին հայտնում են 24News-ի իշխանական աղբյուրները։ Ըստ լրատվականի զրուցակցի, այդ մասին քննարկումներ են ընթանում ՔՊ-ի վերնախավում, ԱԽՔ-ում և ԱԳՆ-ում։ Սրանով իշխանություններն իբր ուզում են միջազգային գործընկերների մոտ կանխել Ադրբեջանի այն կեղծ պնդումները, թե ՀՀ բանակը «կրակում է» սահմանին։ 

24News-ը նաև այս հարցով դիմել է ՀՀ ԱԳՆ խոսնակ Անի Բադալյանին, որը փոխանցել է, թե համաձայնագրի մասով Հայաստանի դիրքորոշումը հստակ արտահայտված է ու հրաժարվել է մեկնաբանել նշված տեղեկությունները։