Էրդողանը քննարկում է Իսրայելի հետ կապերի խզման հնարավորությունը

Թուրքիան ԱՄՆ-ին տեղեկացրել է, որ Իսրայելի մերժումը` ներողություն խնդրել անցյալ տարի «Ազատության նավատորմիղի» հետ կապված իրադարձությունների համար, «կհանգեցնի երկու երկրների հարաբերությունների հետագա վատթարացմանը». գրում է թուրքական Hurriyet-ը:

Թերթի տվյալներով` Թուրքիայի վարչապետ Ռեջեփ Թայիփ Էրդողանը քննարկում է Իսրայելի հետ քաղաքական եւ տնտեսական կապերի խզման հնարավորությունը:

Իսկ ըստ իսրայելական տնտեսական Globes պարբերականի` չնայած Թուրքիայի սպառնալիքներին, Իսրայելի վարչապետ Բենիամին Նեթանյահուն հրաժարվում է ներողություն խնդրել, եւ նրա որոշումը վերջնական է: Երուսաղեմի կարծիքով` այդ ներողությունը չի բարելավի հարաբերությունները Անկարայի հետ, այլ միայն կամրապնդի Թուրքիայի վարչապետի քաղաքական դիրքերը: