Միևնույն է՝ այս ամբողջ պատմությունը բացահայտվելու է, որովհետև ստի ոտքը կարճ է․ Մանուկյանը՝ Քոքոբելյանին

Տավուշի մարզի առաջին ատյանի ընդհանուր իրավասության դատարանում (Իջևան) ընթանում է Սուրեն Մանուկյանի  և մյուսների գործով դատական նիստը։ Այս պահին դատարանը լսում է տուժող ճանաչված Գրիշա Քոքոբելյանին։ Դատական նիստի ժամանակ Սուրեն Մանուկյանը հարցեր ուղղեց Գրիշա Քոքոբելյանին։

Հիշեցնենք, որ օրեր առաջ  Վերաքննիչ քրեական դատարանը, դատավոր Աննա Մաթևոսյանի գլխավորությամբ, բեկանել է դատարանի որոշումը և Սուրեն Մանուկյանի տնային կալանք խափանման միջոցը, որը կիրառվել էր 2025 թ. հունվարի 22-ին, վերստին փոխարինել կալանավորմամբ:  
 

Նաև հիշեցնենք, որ Սուրեն Մանուկյանի նկատմամբ որպես խափանման միջոց էր կիրառվել կալանավորումը, և 2022 թ. օգոստոսի 11-ից սկսած՝ նա ազատազարկված էր։  Մանուկյանն իրեն առաջադրված մեղադրանքը համարում է շինծու, այն չի ընդունում և իրեն մեղավոր չի ճանաչում։  Փաստաբանները հայտնել են, որ քրեական գործի նյութերում չկա որևէ ողջամիտ ապացույց, որի հենքի վրա կարող են մեղադրել Սուրեն Մանուկյանին, առավել ևս նրան ազատազրկեն տևական ժամանակով։