Սի Ծինփինը Պեկինում ընդունել է Շոյգուին

Պեկինում Ժողովրդական ժողովների տանն սկսվել են Ռուսաստանի Անվտանգության խորհրդի քարտուղար Սերգեյ Շոյգուի և Չինաստանի նախագահ Սի Ծինփինի միջև բանակցությունները: Այս մասին հայտնում է «ՌԻԱ Նովոստի»-ի թղթակիցը։

ՌԴ Անվտանգության խորհրդի տվյալներով՝ բանակցությունների ընթացքում քննարկվել է անվտանգության ապահովման ոլորտի երկկողմ հարցեր, ինչպես նաև միջազգային ու տարածաշրջանային խնդիրներ։

Սերգեյ Շոյգուն նշել է, որ ռուս-չինական հարաբերություններն իրենց ողջ պատմության ընթացքում աննախադեպ բարձր մակարդակի վրա են։

«Մեր համագործակցությունն ուղղված չէ այլ երկրների դեմ և հանդիսանում է աշխարհի երկու մեծ տերությունների հարաբերությունների մոդել»,- հայտարարել է ՌԴ Անվտանգության խորհրդի քարտուղարը։ Նա նաև հավելեց, որ այս համագործակցությունը հիմնված է շահերի լայն համայնքի, հավասարության և խորը վստահության վրա։

«Մենք մեծապես կարևորում ենք ձեռք բերված պայմանավորվածությունները և կենտրոնացած ենք դրանց խորացման վրա»,- եզրափակել է Սերգեյ Շոյգուն։

Իր հերթին Սի Ծինփինի նշել է, որ չին-ռուսական հարաբերություններում պատմականորեն առանձնահատուկ այս տարում սպասվում է կարևոր իրադարձությունների մի ամբողջ շարք։

«Հուսով եմ, որ երկու կողմերն էլ կպահպանեն բազմամակարդակ և սերտ շփումները՝ իմ և նախագահ Պուտինի կողմից ձեռք բերված պայմանավորվածության լիարժեք իրականացման գործում», - ասել է Չինաստանի նախագահը։