Պուտինը խոստովանել է՝ ցավում է, որ բաց է թողնելու Լավրովին և Շոյգուին, որ գնան Պետդումա

Ռուսաստանի նախագահ Վլադիմիր Պուտինը խոստովանել է, որ ցավում է, որ արտգործնախարար Սերգեյ Լավրովը և պաշտպանության նախարար Սերգեյ Շոյգուն խորհրդարանական ընտրություններից հետո Պետդումա  են գնալու, եթե նրանք, իհարկե, նման որոշում կայացնեն:

«Ցավալի է»,- խոստովանել է պետության ղեկավարը՝ պատասխանելով համապատասխան հարցին Արևելյան տնտեսական ֆորումի լիագումար նիստում:

«Լավրովն ու Շոյգուն իրենց տեղերում իրենց լավ են զգում: Իմ գործընկերները պարզապես ինձ խնդրեցին, որ իրենք գլխավորեն ցուցակը՝ ցույց տալով, որ այն ամենը, ինչ անում է «Եդինայա Ռոսիա» կուսակցությունը, իրոք, իրագործվում է, այդ թվում՝ այդ մարդկանց ջանքերով»,- պարզաբանել է նախագահը:

Նա միաժամանակ հավելել է, որ Լավրովն ու Շոյգուն իրենք են վերջնական որոշում կայացնելու՝ փոխելո՞ւ են իրենց աշխատավայրը, թե՞ ոչ: «Որոշումն առաջին հերթին նրանք պետք է կայացնեն»,- եզրափակել է պետության ղեկավարը: