Թրամփը հայտարարել է` պատրաստ է գործարքի գնալ Իրանի հետ. ԶԼՄ

ԱՄՆ նախագահ Դոնալդ Թրամփը հայտարարել է, որ պատրաստ է ռազմական գործողություններ վարելու փոխարեն գործարք կնքել Իրանի հետ։ Տեղեկությունը հայտնում է ՌԻԱ Նովոստին՝ հղում անելով ամերիկյան «New York Post»–ին։

«Ես կցանկանայի Իրանի հետ ոչ միջուկային գործարք կնքել։ Ես նախընտրում եմ դա, քան ռմբակոծելը: Ես նրանց կասեի, որ գործարք կկնքեմ», - ասել է նա նախագահական ինքնաթիռում:

Ավելի վաղ Թրամփը հայտարարել էր, որ կցանկանար Թեհրանի հետ կնքել «ստուգված» միջուկային խաղաղության համաձայնագիր, որը թույլ կտա Իրանին խաղաղ զարգանալ և բարգավաճել։ Նա կոչ էր արել անհապաղ սկսել աշխատանքը:

Հիշեցնենք` 2015 թվականին Մեծ Բրիտանիան, Գերմանիան, Չինաստանը, Ռուսաստանը, ԱՄՆ-ն, Ֆրանսիան և Իրանը միջուկային գործարք կնքեցին՝ Գործողությունների համատեղ համապարփակ ծրագիր (ԳՀՀԾ), որը ենթադրում էր պատժամիջոցների վերացում Իրանի միջուկային ծրագրի սահմանափակման դիմաց: 2018 թվականի մայիսին ԱՄՆ-ն Դոնալդ Թրամփի օրոք դուրս եկավ ԳՀՀԾ-ից և վերականգնեց Թեհրանի դեմ պատժամիջոցները։ Ի պատասխան Իրանը հայտարարեց համաձայնագրի շրջանակում իր պարտավորությունների փուլային կրճատման մասին՝ հրաժարվելով միջուկային հետազոտությունների, ցենտրիֆուգների և ուրանի հարստացման մակարդակի սահմանափակումներից:

Երկու տարվա դադարից հետո Իրանի և եվրաեռյակի միջև միջուկային ծրագրի շուրջ բանակցություններ անցկացվեցին նոյեմբերի 29-ին Ժնևում: Իրանական պատվիրակությունը գլխավորում էր արտգործնախարարի քաղաքական հարցերով օգնական Մաջիդ Տախտ-Ռավանչին։