Երևանի քաղաքային իշխանություններն առանց հստակ հաշվարկի, ոտքի վրա որոշումներ են կայացնում․ Սուրեն Պարսյան

Երևանի քաղաքային իշխանություններն առանց հստակ հաշվարկի, ոտքի վրա որոշումներ են կայացնում: Այս մասին գրել է տնտեսագետ Սուրեն Պարսյանը։

«Տիգրան Ավինյանի վերջին գրառումը տրանսպորտի նոր սակագների վերաբերյալ փաստացի ապացուցեց, որ քաղաքային իշխանությունները առանց հստակ հաշվարկի, ուղղակի ոտքի վրա, հանրային ճնշման պայմաններում որոշումներ են կայացնում: Հետևաբար, օր առաջ հարկավոր է կասեցնել տրանսպորտի թանկացման որոշումը և կատարել հետևյալ քայլերը.

1. բարելավել անկանխիկ տրանսպորտի վճարման միասնական համակարգը,
    
2. ստեղծել միասնական համայնքային տրանսպորտային ընկերություն` դարձնելով բաց բաժնետիրական ընկերություն,
    
3. վերանայել տրանսպորտի երթուղիները` նվազեցնելով ավտոբուսների գերշահագործումը,
    
4. գնահատել ծախսերի արդյունավետությունը,
    
5. հաստատել տրանսպորտի սակագնի հաշվարկման հստակ մեթոդաբանությունը,
    
6. հաշվարկել նոր սակագինը` հաշվի առնելով ստվերի կրճատման տվյալները,
    
7. Անհրաժեշտության դեպքում որոշել տրանսպորտի նոր սակագնում քաղաքապետարանի սուբսիդավորման չափը»,-գրել է նա։