Գեղարքունիքի մարզպետն անտեսում է Փաշինյանին. «պադավատապետությունը շարունակվում է»

Վերջին շրջանում վարչապետ Նիկոլ Փաշինյանը բազմիցս է անդրադառնում ծառայողական ավտոմեքենաներին և բոլոր պաշտոնատար անձանց արգելել է ծառայողական ավտոմեքենաներից օգտվել անձնական ուղևորությունների ժամանակ, իսկ տնից աշխատանքի և հակառակը մեկնել միայն անձնական ավտոմեքենաներով, սակայն Գեղարքունիքի մարզպետ Կարեն Սարգսյանը հավանաբար իրեն արտոնյալ է համարում և շարունակում է ամեն աշխատանքային օր Երևանից Գավառ աշխատանքի գնալ իր ծառայողական ավտոմեքենայով։

Ընդ որում, Գեղարքունիքի մարզպետ Կարեն Սարգսյանը բնակվում են Երևան քաղաքում, սակայն վերջերս լրատվամիջոցներից մեկի հարցին ի պատասխան հայտնել էր սխալ տեղեկություններ, թե իբր բնակվում է Մարտունիում։ Թե ինչն է պատճառը, որ մարզպետը խաբում է հանրությանը և իր բնակության վայրը ներկայացնում Մարտունին, դա միայն նրան է հայտնի, սակայն մենք տեղեկություններ ստացանք նաև, որ Գեղարքունիքի մարզպետարանում ծառայողական ավտոմեքենաները շարունակում են անձնական նպատակներով օգտագործել նաև մյուս պաշտոնյաները։

Միգուցե Գեղարքունիքի մարզպետն իրոք արտոնյալ է և վարչապետի հանձնարարականները չկատարելու կանաչ լույս ունի՞։

Աղբյուրը՝ Irakanum.am