ՌԴ ԱԳՆ-ն քննադատել է ռուսական լրատվամիջոցների դեմ ԱՄՆ նոր պատժամիջոցները

Ռուսական լրատվամիջոցների դեմ նոր պատժամիջոցներով Վաշինգտոնը գերազանցել է իրեն, քանի որ ամերիկացիներն իրենք չեն կարողացել ամբողջությամբ բարձրաձայնել, թե ում նկատմամբ են արգելող միջոցները ձեռնարկվել, ասել է ՌԴ ԱԳՆ պաշտոնական ներկայացուցիչ Մարիա Զախարովան, գրում է РИА Новости-ն։

«Նրանք գերազանցեցին իրենց, քանի որ, ի տարբերություն ռուս լրագրողների և մեդիա կորպորացիաների գլխավոր խմբագիրների վրա նախորդ հարձակումների, այս անգամ զարմանալի բան տեղի ունեցավ. նույնիսկ ամերիկյան իշխանությունները չեն կարողացել ամբողջությամբ բարձրաձայնել այն միջոցները, որոնք ձեռնարկվել են», - ասել Է Զախարովան ВЭФ-ում ՝ նոր պատժամիջոցների մասին մեկնաբանության մեջ։

Նա պարզաբանեց, որ ոչ ոք լիովին չի հասկանում, թե որ լրագրողներն ու գլխավոր խմբագիրներն են սահմանափակման ենթակա։ 

Հիշեցնենք՝ Միացյալ Նահանգները պատժամիջոցներ է սահմանել «Россия Сегодня» մեդիա խմբի, РИА Новости-ի, RT-ի, Sputnik-ի և Ruptly-ի դեմ։