Փոխարժեքներ
16 09 2024
|
||
---|---|---|
USD | ⚊ | $ 387.19 |
EUR | ⚊ | € 430.63 |
RUB | ⚊ | ₽ 4.25 |
GBP | ⚊ | £ 510.82 |
GEL | ⚊ | ₾ 143.75 |
Թուրքիայի պաշտպանության նախարար Յաշար Գյուլերը հայտարարել է, որ չկան խնդիրներ, որոնք Անկարան և Դամասկոսը չկարողանան լուծել։ Այդ մասին տեղեկացնում է«Հուրիեթ» թերթը։
Միջնորդները՝ ի դեմս Ռուսաստանի, Իրանի և Իրաքի, անկեղծ փորձեր են արել հաշտեցնել Սիրիային և Թուրքիային, սակայն այդ նախաձեռնության հարցում առաջընթաց չկա։ Այդ մասին ավելի վաղ հայտարարել էր Սիրիայի Արաբական Հանրապետության նախագահ Բաշար ալ-Ասադը՝ ելույթ ունենալով Ժողովրդական խորհրդի նոր գումարման նախօրեին:
«Չկա որևէ խնդիր, որը չլուծվի մեր միջև, կարծում եմ, որ մենք կկարողանանք շարունակել մեր բնականոն գործունեությունը որպես երկու հարևան երկրներ», - ասել է Գյուլերը։
Թուրքական կողմը չի բացառել Թուրքիայի և Սիրիայի ղեկավարների միջև երրորդ երկրում բանակցությունների հնարավորությունը, սակայն այս պահին հանդիպման ժամկետի և վայրի մասին հստակություն չկա։
Ռուսաստանի Դաշնության փոխարտգործնախարար Միխայիլ Բոգդանովն ավելի վաղ հայտարարել էր, որ Մոսկվան պատրաստ է հանդիպում կազմակերպել Թուրքիայի և Սիրիայի նախագահների միջև, սակայն, ըստ նրա, դա լուրջ նախապատրաստություն է պահանջում։