Փոխարժեքներ
08 09 2024
|
||
---|---|---|
USD | ⚊ | $ 387.09 |
EUR | ⚊ | € 429.94 |
RUB | ⚊ | ₽ 4.32 |
GBP | ⚊ | £ 509.68 |
GEL | ⚊ | ₾ 143.79 |
Yerkir.am-ի խմբագիր Վահե Սարգսյանը գրում է․
«Մի կարևոր բանի մասին եմ ուզում գրել:
Առաջին հայացքից փորձ է արվում պատրանք ստեղծել, թե իբրև ոստիկանությունը «չորով» իր աշխատանքն է անում, հրաման է կատարում, ծառայություն է իրականցնում, և որ եթե չիրականացնի՝ կդատվի:
Լավ:
Իսկ այդ դեպքում ի՞նչ են նշանակում մարզային վարչության պետերի, ավելի բարձր պաշտոնյաների ու իրենցից ոգևորված՝ թիկունքում շարվածների ոստիկանության ծառայության շրջագծից դուրս գալն ու ակհայտ նիկոլություններ անելը:
Նշված հատվածը ընդդիմադիր պատգամավորների վրա երբեմն այնպիսի չարությամբ ու մաղձով է հարձակվում, այնպիսի ջղաձգումներով, այնպիսի ծաղրավիրավորանքներով, նիկոլական այնպիսի կեղտոտ և դավադիր թեզերով և, ամենակարևորը, քաղաքական բնույթի հակադարձումներով, որոնց կնախանձեին անգամ ամենաթունդ նիկոլական սերիալ նայող պառավները:
Օրինակ, ի՞նչ է նշանակում ոստիկանության Տավուշի մարզային վարչության պետի մակարդակով արցախցի լրագրողին ասել թուրքական (ազդեցության) քարոզչամեքենայի կողմից տիրաժավորված ամենաայլանդակ արտահայտությունը՝ «մնայիր Արցախում, ինչու՞ դուրս եկար»:
Ասենք՝ հիմա էդ մարզային վարչության պետը մի քանի օրից կարո՞ղ է ապրել Կիրանցի հանձնվող տներում: Կարո՞ղ ենք իրեն մի քանի օրից ասել՝ մնայիր ադրբեջանցիների հետ, ինչու՞ չմնացիր: Ի՞նչ կպատասխանի տեսնես:
Կամ՝ ի՞նչ է նշանակում նույն անձի կողմից Հ1-ի ու որոշ այլ թուրքական (ազդեցության) քարոզչական կենտրոնների (հավանաբար՝ ՀԺ և Սիվիկ) լրագրողներին նստեցնել ծառայողական մեքենան ու փորձել ճողոպրել Կիրանց՝ այն դեպքում, երբ բարձրագոչ հայտարարում ես, թե ըստ էսինչ օրենքի՝ ԲՈԼՈՐ լրագրողների մուտքը Կիրանց փակ է: Բա էդ դեպքում էդ նիկոլական կապկումն ու՞մ աչքը կոխենք:
Էս ամենը նշանակում է մի բան՝ ոստիկանության մի հատված ոչ թե ծառայություն է իրականացնում, այլ, լցված նիկոլական (թուրքական) ազդեցության մոլուցքով, ուղղակի զբաղված է քաղաքական զանազան պատվերների իրագործմամբ, լիարժեքորեն մասնակցում է իշխանության կողմից իրականացվող քաղաքական հաշվեհարդարներին, նման այլանդակ վարքագիծ դրսևորում է գիտակցաբար, սրտանց՝ փորձելով ամեն գնով փրկել Նիկոլ Փաշինյանի երերացող իշխանությունը:
Հետևաբար, ոստիկանության էդ հատվածը, որը խորքի մեջ զբաղված է քաղաքական գործունեությամբ, միանգամայն արժանի է հասարակության համապատասխան վերաբերմունքին ու միանշանակ պատասխան է տալու ոչ միայն օրենքի, այլև բարոյականության ու սերունդների առջև»: