կարևոր
1723 դիտում, 1 ամիս առաջ - 2024-04-24 12:11
Քաղաքական

Կովկասում ուժերի հարաբերակցությունը կարող է փոխվել, եթե ՀՀ-ն դուրս գա ՀԱՊԿ-ից. ՀԱՊԿ գլխավոր քարտուղար

Կովկասում ուժերի հարաբերակցությունը կարող է փոխվել, եթե ՀՀ-ն դուրս գա ՀԱՊԿ-ից. ՀԱՊԿ գլխավոր քարտուղար

Հավաքական անվտանգության պայմանագրի կազմակերպությունը (ՀԱՊԿ) ամբողջությամբ պահպանում է իր պարտավորությունները Հայաստանի հանդեպ՝ չնայած դաշինքի աշխատանքներին սահմանափակելու Երևանի որոշմանը, «Իզվեստիա» թերթին տված հարցազրույցում ասել է ՀԱՊԿ գլխավոր քարտուղար Իմանգալի Թասմագամբետովը։

Նա նշեց, որ եթե Հայաստանը որոշի դուրս գալ կազմակերպությունից, դա կլինի նրա ինքնիշխան իրավունքը, սակայն այս դեպքում Կովկասում ուժերի հարաբերակցությունը կարող է փոխվել։

«Այս դեպքում կգործեն տարածաշրջանային անվտանգության այն գործոնները, որոնց ազդեցությունն այժմ բավականին դժվար է կանխատեսել և հաշվարկել»,- հավելել է Թասմագամբետովը։

«Հայաստանի և ՀԱՊԿ առճակատման հավանականությունը քննարկելիս պետք է հաշվի առնել կողմերի ռեսուրսային բազան և իրական հնարավորությունները», - նշել է գլխավոր քարտուղարը։

Նա հավելել է, որ ՀԱՊԿ քարտուղարությունը հաշվի է առնում ՆԱՏՕ-ի գործունեությունը և վերլուծում բարդ գործընթացները՝ կապված Հյուսիսատլանտյան դաշինքի հիմնական մասնակիցների շահերի և հնարավորությունների հետ։