Ջահերով երթը պիտի դառնա մեր միասնականության, վերածննդի ու հաղթանակի սկիզբը. ՀՅԴ Շիրակի Մարզային կոմիտեի ներկայացուցիչ

Ապրիլի 23-ին 19։15-ին Հանրապետության հրապարակից մեկնարկում է ավանդական ջահերով երթը։ Այս մասին տեղեկացնում է ՀՅԴ Շիրակի Մարզային կոմիտեի ներկայացուցիչ, ԱԺ «Հայաստան» խմբակցության պատգամավոր Մհեր Մելքոնյանը:

«20-րդ դարի ամենամեծ ոճրագործությունից 109 տարի անց մեր թշնամիների ծրագրում ոչինչ չի փոխվել։

Այս օրերին էլ թուրք-ադրբեջանական տանդեմը փորձում է իրականացնել նույն ցեղասպան քաղաքականությունը։

Այս երթին պետք է մասնակցի յուրաքանչյուր հայ մարդ, ում համար թանկ է Հայրենիքը, ով պատրաստ է պայքարել հանուն Հայաստանի ու Արցախի, հանուն մեր ազգային արժանապատվության:

Այս երթը խորհրդանշական է։ Այն պետք է դառնա մեր միասնականության, վերածննդի ու հաղթանակի սկիզբը։

ԵՎ ուրեմն ` ապրիլի 23֊ին ` 19։15-ին, հանդիպում ենք Հանրապետության հրապարակում»,- գրել է նա։