Ռուսաստանում ավելի շատ հայ է ապրում, քան՝ Հայաստանում. Պեսկով

Ռուսաստանում ավելի շատ հայ է ապրում, քան Հայաստանում. այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ ելույթ ունենալով «Գիտելիք. Առաջինը» մարաթոնի ժամանակ:

«Եվ նրանք ռուսաստանցիներ են, իրենց այստեղ լավ են զգում, մենք նրանց սիրում ենք, նրանք էլ մեզ են սիրում: Մենք դարեր շարունակ այսպես ենք ապրել և դարեր շարունակ այսպես ենք ապրելու: Այդ պատճառով մենք նույնքան բարձր ենք գնահատում Հայաստանի հետ մեր հարաբերությունների առանձնակի բարձր բնույթը», - ասել է Պեսկովը:

Աղբյուրը նշում է, որ, վերլուծաբանների տվյալներով, այս պահին Ռուսաստանում բնակվում է մոտ 1,7 միլիոն հայ, միաժամանակ Հայաստանում ապրում է մոտ երեք միլիոն հայ։