կարևոր
1204 դիտում, 2 ամիս առաջ - 2024-03-06 12:28
Հասարակություն

Տենանք` մարզպետը կարձագանքի՞ մեր ակցիային. մարտունեցի

Մարտունու բնակիչները կրկին ակցիա են կազմակերպել։ Yerkir.am-ի տեղեկություններով՝ շրջանի բնակիչները փակել են Մարտունի-Վարդենիս միջպետական մայրուղու Զոլաքար գյուղի հատվածը։ Նրանք ակնակալում են մարզպետի արձագանքը։

Ընդվզման պատճառը, ինչպես իրենք են նշում՝  գյուղական արտադրանքի իրացման շուկայի բացակայությունն է: Ըստ ակցիայի մասնակիցների՝ իրենց գյուղական արտադրանքը փչանում է, չկա իրացման շուկա, իսկ իշխանությունները և պատկան պետական մարմինները մատը մատին չեն տալիս խնդիրը լուծելու համար:

Հիշեցնենք՝ մամուլում տեղեկություններ են տարածվել, որ մարտի 6-ից Վերին Լարսի անցակետը փակվելու է հայկական գյուղմթերքների առջև, որի մասին ահազանգում են բազմաթիվ արտահանողներ, սակայն դեռևս պետական մարմիններից այս մասին որևէ հաստատում կամ հերքում չկա։