Մարտունեցի գործարարի մահվան դեպքի առթիվ քրեական գործ է հարուցվել

Երեկ երեկոյան Մարտունի-Գեղահովիտ ճանապարհին հայտնաբերված գործարար Դավիթ Դավթյանի մահվան դեպքի առթիվ քննչական կոմիտեում հարուցվել է քրեական գործ` ՔՕ 242 –րդ հոդվածի երկրորդ մասի հատկանիշներով (ճանապարհային երթևեկության կանոնները խախտելը, որն առաջացրել է տուժողի մահ) և  244 հոդվածի հատկանիշներով (վթարի վայրը լքելը): Այս մասին երկիր Yerkir.am-ին հայտնեցին քննչական կոմիտեից:

Yerkir.am-ն ավելի վաղ հայտնել էր, որ երեկ երեկոյան` ժամը 20:50-ի սահմաններում, ոստիկանության Մարտունու բաժին ահազանգ է ստացվել, որ Մարտունի-Գեղհովիտ ճանապարհին տղամարդու դի կա: Պարզվել էր, որ մահացածը Մարտունի քաղաքի բնակիչ` 60-ամյա Դավիթ Դավթյանն էր, ով Մարտունի-Գեղհովիտ ճանապարհին սեփական բենզալցակայան ուներ: