կարևոր
1720 դիտում, 1 ամիս առաջ - 2024-02-23 15:25
Քաղաքական

Հայաստանը ցանկանում է դուրս գալ ռուսական ուղեծրից․ ՄԹ-ի պատգամավորի անդրադարձը ՀԱՊԿ-ի մասին Փաշինյանի հայտարարությանը

Վիեննայում ընթանում է ԵԱՀԿ խորհրդարանական վեհաժողովի ձմեռային նստաշրջանը։ Միացյալ Թագավորությունների պատգամավոր Ջոն Ուիթինգդելը ելույթում մատնանշել է երեկ, France 24 հեռուստաալիքին տված հարցազրույցում Փաշինյանի  հայտարարությանը առ այն, որ Հայաստանի մասնակցությունը ՀԱՊԿ-ին «սառեցված» է։ 

Ուիթինգդելը խոսել է ռուս-ուկրաինական պատերազմի մասին՝ նշելով, որ այդ պատերազմը Ռուսաստանը սկսել է տասը տարի առաջ, հետո անցել նախորդ շաբաթ հայ-ադրբեջանական սահմանային միջադեպին։
«Ինչպես պարզաբանում է հայկական պատվիրակությունը՝ Հայաստանը խաղաղություն է ուզում, բայց միևնույն ժամանակ ցանկանում է դուրս գալ ռուսական ուղեծրից։ Իսկ երեկ Հայաստանը հայտարարեց, որ «սառեցված» է ՀԱՊԿ-ին մասնակցությունը։ Ինչպես Ուկրաինան, Հայաստանը նույնպես արժանի է մեր աջակցությանը» ,-եզրափակել է եվրոպացի պատգամավորը։

Մանրամասն՝ տեսանյութում