կարևոր
1225 դիտում, 7 ամիս առաջ - 2023-10-17 18:09
Աշխարհ

Բրիտանիան կոչ է անում Իսրայելին վերականգնել Գազայի ջրամատակարարումը

Բրիտանիան կոչ է անում Իսրայելին վերականգնել Գազայի ջրամատակարարումը

Մեծ Բրիտանիայի վարչապետի գրասենյակը կոչ է արել Իսրայելին  վերականգնել Գազայի հատված ջրի մատակարարումը, սակայն շարունակում է հրաժարվել պարզաբանել, թե արդյոք ջրի մատակարարումը դադարեցնելու մարտավարությունը համապատասխանում է միջազգային իրավունքին:

Ըստ PA Media-ի՝ վարչապետի խոսնակը լրագրողներին հայտնել է. «Լոնդոնը շարունակում է կոչ անել Իսրայելին  որպես ժողովրդավարական երկրի, որի հետ մենք սերտորեն համագործակցում ենք, գործել միջազգային իրավունքի շրջանակներում և կարծում եմ, որ նրանք քայլեր են ձեռնարկում դրա  վերաբերյալ։

Մենք բանակցությունների մեջ ենք և շատ ենք ուզում, որ ջրի մատակարարումը վերականգնվի տարածաշրջանում: Մենք ցանկանում ենք անել հնարավոր ամեն բան  Գազայի հատվածում առաջացող հումանիտար խնդիրները մեղմելու համար։ Իսկ ջուրն այդ ամենի կարևոր մասն է»:

Ավելի վաղ ՄԱԿ-ի Մարդու իրավունքների գրասենյակի ներկայացուցիչը հայտարարել էր, որ անհանգստացած է, որ իսրայելական զինվորականների տարհանման հրամանը, որն ուղեկցվում է Գազայի հատվածի ամբողջական պաշարմամբ կարող է հավասարեցվել մրդկության դեմ ուղղված հանցագործության, որը ներառում է «քաղաքացիների բռնի տեղահանում»: