կարևոր
2269 դիտում, 1 տարի առաջ - 2023-05-29 17:07
Հասարակություն

«Տելեգրամ»-ով թմրամիջոցների ապօրինի շրջանառությանը վերաբերող քրեական վարույթում ներգրավված է 250 անձ

«Տելեգրամ»-ով թմրամիջոցների ապօրինի շրջանառությանը վերաբերող քրեական վարույթում ներգրավված է 250 անձ

«Տելեգրամ» ալիքների միջոցով թմրամիջոցների ապօրինի շրջանառության հարցով Քննչական կոմիտեում նախաձեռնված քրեական վարույթի շրջանակում լուրջ աշխատանքներ են իրականացվել, մոտ ժամանակներս այդ մասին հրապարակային կհայտարարվի, ԱԺ-ում ասաց Ներքին գործերի նախարար Վահե Ղազարյանը։

«Ունենք կատարած լուրջ աշխատանքներ: Մոտ ժամանակներս դրա մասին կլսեք: Այդ գործընթացի մեջ ներգրավված է մոտ 250 անձ»,- նշեց նա։

2021 թվականին Քրեական ոստիկանության գլխավոր վարչությունում բացվել էր Համացանցի միջոցով թմրամիջոցների ապօրինի շրջանառության դեմ պայքարի բաժին:

Նախարարի գնահատմամբ՝ կան բավականին դրական արդյունքներ։