կարևոր
2740 դիտում, 1 տարի առաջ - 2023-03-29 11:39
Քաղաքական

Քալիֆորնիայի Համագումարի Դատական Յանձնաժողովը ընդունել է Արցախի շրջափակումը դատապարտող Հայ Դատի Յանձնախմբի պաշտպանած բանաձեւը

Քալիֆորնիայի Համագումարի Դատական Յանձնաժողովը ընդունել է Արցախի շրջափակումը դատապարտող Հայ Դատի Յանձնախմբի պաշտպանած բանաձեւը

Ամերիկայի Հայ Դատի Յանձնախմբի մամլոյ հաղորդակցութեան համաձայն Ամերիկայի Հայ դատի յանձնախմբի կողմից սատարուած հակաշրջափակման AJR 1 բանաձեւը, որը դատապարտում է Ադրբեջանի կողմից Արցախի 100-օրեայ շրջափակումը, ընդունուել է Քալիֆորնիայի Համագումարի(Խորհրդարան) դատական յանձնաժողովի կողմից՝ երկկուսակցական ճնշող աջակցութեամբ:

Ամերիկայի Հայ Դատի Յանձնախմբի տեղական ղեկավարները ներկայ էին յանձնաժողովի լսումների ժամանակ եւ ցուցմունք տուեցին ի պաշտպանութիւն բանաձեւի արագ ընդունման, որը վերահաստատում է Քալիֆորնիայի կողմից Արցախի ինքնորոշման իրաւունքի ճանաչումը, Բայդենի վարչակազմին կոչ է անում շտապ մարդասիրական օգնութիւն ցուցաբերել արցախահայութեանը եւ Բայդենի վարչակազմին կոչ է անում պատասխանատուութեան ենթարկել Ադրբեջանին իր ագրեսիայի համար՝ կիրառելով Բաքուին տրամադրուող ռազմական օգնութեան 907-րդ յօդուածի սահմանափակումները:

«Սա խիզախ քայլ է՝ դատապարտելու Ադրբեջանի կողմից Արցախի շրջափակումը, եւ Քալիֆորնիայի հաւատարմութեան վերահաստատումը Արցախի ինքնորոշման իրաւունքին խօսում է մեր արժէքների էութեան մասին՝ որպէս ամերիկացիներ եւ որպէս Քալիֆորնիայի բնակիչներ», — ասել է Ամերիկայի Հայ Դատի Յանձնախմբի Սան Ֆրանսիսքոյի ներկայացուցիչ՝ Խաչիկ Թազեանը յանձնաժողովի առջեւ։ «Այս բանաձեւով եկէք համոզուենք, որ ԱՄՆ կառավարութիւնը եւ մեր հարկային դոլարները թոյլ չէն տալիս Ադրբեջանի ագրեսիան հայ ժողովրդի դէմ, քանի որ Ալիևի վարչակարգը իրականացնում է այս ցեղասպանութիւնը միջազգային հանրութեան քթի տակ»:

Հայ Դատի Յանձնախմբի Բըրբենքի Մասնաճիւղի երկարամեայ ղեկավար՝ Անդրանիկ Ջարչաֆճեանը խօսել է ամերիկահայ համայնքի եւ շրջափակումից տուժած Արցախի ժողովրդի միջեւ խոր կապերի մասին: «Արցախի 120.000 բնակիչների մէջ է իմ որդին, ով ծնուել եւ մեծացել է Հարաւային Քալիֆորնիայում եւ տեղափոխուել Հայաստան՝ օգնելու գիւղական համայնքներին։ Նրա Հայաստան ժամանելուց անմիջապէս յետոյ Ադրբեջանը սկսեց իր յարձակումը Արցախի վրայ, իսկ որդիս մնաց օգնելու տեղահանուած փախստականներին: Մինչ շրջափակումը, նա ապրում էր Արցախում՝ մարդասիրական աշխատանքով եւ դրամահաւաքով պատերազմից տուժած համայնքների համար։ Հիմա նա կնոջ եւ մեր 16 ամսական թոռնուհու հետ 100 օրից աւելի շրջափակման մէջ են»։

Համագումարի անդամ Քրիս Հոլդենին միացան համագումարի անդամներ՝ Լաուրայ Ֆրիդմանը, Վենդի Կարիլեօն, Լիզայ Կալդերոնը, Մեգան Դալը, Մայք Գիփսոնը, Մայք Ֆոնգը, Թոմ Լաքին, Քոթի Պետրի-Նորիսը, Էլոիզ Գոմես Ռեյեսը, Լուզ Ռիւասը եւ Բլանկայ Ռուբիոն՝ որպէս համահեղինակներ։ Բանաձեւը Քալիֆորնիայի նահանգային սենատում նաեւ համատեղ ներկայացւում է սենատոր Էնթօնի Պորտանտինոն, որի համահեղինակներն են սենատորներ Բոբ Արչուլետան եւ Սքոթ Ուիլքը:

«Այսօր AJR 1-ն ընդունեց վեհաժողովի դատական յանձնաժողովը երկկուսակցականների ճնշող աջակցութեամբ: Ես կանգնած եմ սփիւռքահայ համայնքի եւ իմ գործընկերների կողքին, քանի որ մենք խնդրում ենք անյապաղ մարդասիրական օգնութիւն Արցախի հայերի համար եւ պատասխանատուութեան ենթարկում Ադրբեջանին»,- ասել է համագումարի անդամ Քրիս Հոլդէնը:

«Համագումարի անդամ Հոլդէնը եղել է հայ համայնքի վաղեմի բարեկամը: Նա եւս մէկ անգամ ցոյց է տուել իր անվերապահ աջակցութիւնը այս դժուար ժամանակներում, երբ Արցախում հայերը կանգնած են Ադրբեջանի կառավարութեան կողմից բնաջնջման վտանգի առջեւ։ Ամերիկահայ համայնքը երախտապարտ է պարոն Հոլդենի կողմից համատեղ բանաձեւի ներկայացմանը, որը կոչ է անում Ադրբեջանի կառավարութեանը դադարեցնել իր անօրինական շրջափակումը եւ պատասխանատուութեան ենթարկել Ադրբեջանի կառավարութեանն իր անողոք ագրեսիայի համար»,- ասել է Ամերիկայի Հայ Դատի Յանձնախմբի Ազգային խորհրդի անդամ Այտա Տիմէճեանը:

Բանաձեւը գալիս է ԱՄՆ Կոնգրեսի կողմից նախագահ Բայդենի վրայ ճնշումների ֆոնին, որպէսզի Ադրբեջանը պատասխանատուութեան ենթարկուի հայ ժողովրդի դէմ իր լկտի ագրեսիայի համար: Ներկայացուցիչ Ֆրենկ Փալոնը, Կոնգրեսի հայկական յանձնախմբի համանախագահներ Գաս Բիլիրակիսը, Ադամ Շիֆը եւ Դեյուիդ Վալադաոն եւ Դեյուիդ Վալադաոն եւ Կոնգրեսի աւելի քան 80 գործընկերներ առաջնորդում են Ներկայացուցիչների պալատի երկկուսակցական բանաձեւը (H.Res.108), որը դատապարտում է շրջափակումը եւ կոչ է անում անյապաղ միջոցներ ձեռնարկել Արցախի 120,000 հայերի համար կենսականօրէն անհրաժեշտ մարդասիրական օգնութիւնը երաշխաւորելու համար, որոնց զրկուած է սննդից, վառելիքից եւ բժշկական պարագաներից եւ այլ կենսական նշանակութիւն ունեցող մարդասիրական ապրանքներ աւելի քան 100 օր սառցակալման պայմաններում։

Ներկայացուցիչ Ֆրենկ Փալոնը, Կոնգրեսի հայկական յանձնախմբի հիմնադիր համանախագահը, նոյնպէս վերջերս Կոնգրեսի նամակ է ուղղել պետական-արտաքին գործողութիւնների գծով յատկացումների ենթայանձնաժողովի նախագահ Մարիոյ Դիազ Բալարտին եւ վարկանիշային անդամ Բարբարայ Լիին կոչ անելով դադարեցնել ԱՄՆ ռազմական օգնութիւնը Ադրբեջանին եւ կոչ անել 50 Միլիոն ԱՄՆ դոլարի շտապ օգնութիւն տրամադրել Արցախին՝ տարածաշրջանի 120,000 հայերի մարդասիրական եւ վերականգնման կարիքները բաւարարելու եւ 100 միլիոն, ԱՄՆ դոլար՝ անվտանգութեան, տնտեսական, կառավարման եւ օրէնքի գերակայութեան համար։ դէպի Հայաստան։

AJR 1-ը քննարկման կդրուի Քալիֆորնիայի համագումարի նիստերի դահլիճում հինգշաբթի, 2023 թուականի մարտի 30-ին:

Շրջափակման առաջին օրուանից Ամերիկայի Հայ Դատի Յանձնախմբի եւ նրա տեղական մասնաճիւղերը աշխատում են Սպիտակ տան, Պետդէպարտամենտի եւ Կոնգրեսի ղեկավարների հետ՝ կոչ անելով նրանց դադարեցնել ԱՄՆ ռազմական օգնութիւնը Ադրբեջանին եւ շտապ մարդասիրական օգնութիւն ուղարկել Արցախ: Հազարաւոր մարդիկ արդէն օգտուել են ԱՄՆ Հայ Դատի Յանձնախմբի առցանց պորտալից՝ զանգահարելու, թուիթերում եւ գրելու Սպիտակ տան եւ Կոնգրեսի ղեկավարներին՝ անյապաղ լուծելու արցախեան այս ընդլայնուող մարդասիրական ճգնաժամը:

oragark.com