կարևոր
4240 դիտում, 1 տարի առաջ - 2023-01-09 17:59
Տարածաշրջան

2022 թվականին Ադրբեջանի ռազմական կորուստները կազմում են 145 զինծառայող. CDSI

2022 թվականին Ադրբեջանի ռազմական կորուստները կազմում են 145 զինծառայող. CDSI

2022 թվականին Ադրբեջանի անվտանգության և պաշտպանության ոլորտի անդառնալի կորուստները կազմել են 145 զինծառայող։ Այդ թվում՝ 87 մարդ սպանցել է մարտերում, 58-ը՝ ոչ մարտական ​​պայմաններում. ասվում է ադրբեջանական Ռազմական հետազոտությունների Կասպյան ինստիտուտի` (CDSI) 2023 թվականի հունվարի 8-ի զեկույցում։

Այս ՀԿ-ն Գերմանիայում գործում է 2015 թվականի փետրվարից՝ ռազմական փորձագետ Ջասուր Սումերինլիի ղեկավարությամբ, ով 2003 թվականից ղեկավարում է Ադրբեջանի Լրագրողական ռազմական հետազոտությունների «Դոկտրին» կենտրոնը։

Հայկական կողմի հետ մարտերում Ադրբեջանի կորուստը կազմել է 87 մարդ, եւս երկուսը պայթել են ականների վրա. նշում է կենտրոնը։

Ինչ վերաբերում է ոչ մարտական ​​կորուստներին, ապա 11 զինծառայող մահացել է ավտովթարից, ինը` հիվանդությունից, վեցը` ցրտահարությունից, ևս վեցը` անհայտ պատճառներից, չորսը` դժբախտ պատահարներից, իսկ 22 զինծառայողներ ինքնասպանություն են գործել:

Հաղորդագրության մեջ նշվում է նաև, որ մահացածներից 105-ը ադրբեջանական ՊՆ-ի, 32-ը՝ Պետական ​​սահմանային ծառայության, մեկական՝ Ներքին զորքերի և Արտակարգ իրավիճակների նախարարության, չորսը՝ Նախիջևանի առանձին համազորային բանակի, երեքը` Նախագահի անվտանգության ծառայության զինծառայողներ են:.

Նշվում է նաև, որ 2022 թվականին տարբեր պատճառներով տուժել և վիրավորվել է 304 զինծառայող։ «Շատ դեպքերում հայ զինվորականների հետ փոխհրաձգության ժամանակ ստացած հրազենային վնասվածքները և ականների պայթյունից ստացված վնասվածքներն են», - նշում է զեկույցը:

Ինստիտուտը նաև նշում է, որ 2021 թվականի համեմատ ավելացել է սպանվածների թիվը՝ այդ ժամանակ եղել է 18 մարտական ​​կորուստ և 66 ոչ մարտական ​​կորուստ։

Ընդհանուր առմամբ, 2003 թվականից ի վեր, երբ սկսվել է սպանվածների հաշվարկը, Ադրբեջանի պաշտպանական սեկտորը կորցրել է առնվազն 4419 զինվորական, մարտերում մահացել է 3753 մարդ։ Այս ընթացքում վիրավոր զինծառայողների թիվը գերազանցել է 13 հազարը. եզրափակում է զեկույցը:

Ավելի վաղ Razm.info-ն անդրադարձել էր 2022 թ. ադրբեջանական կորուստներին: