Բրազիլիան տասնյակ F-39E կործանիչներ ձեռք կբերի Շվեդիայից

Բրազիլիան մտադիր է 4.7 մլրդ դոլարի պայմանագրով չորս F-39E կործանիչ պատվիրել Saab-Embraer ընկերությունից՝ ի լրումն 2014թ. արդեն իսկ ձեռք բերված 36-ի: Երկիրը դիտարկում է նաեւ առնվազն 30 F-39E կործանիչից կազմված եւս մեկ խմբաքանակ պատվիրելու հավանականությունը, հաղորդում է Defence News-ը:

Շվեդական Gripen NG-ն 2013թ. պաշտոնապես ընտրվել է ապահովելու Բրազիլիայի օդուժի պահանջարկը: Որոշումը կայացվել է երկարատեւ գործընթացի արդյունքում:

Բրազիլիայի ռազմաօդային ուղերի ղեկավար գեներալ Կառլոս դե Ալմեյդա Բապտիստա կրտսերը լրացուցիչ պատվերի մասին հայտարարություն է արել ապրիլի 22-ին՝ Ռիո դե Ժանեյրոյում մարտական ավիացիայի տոնակատարության ժամանակ:

Միջոցառման ժամանակ ներկայացվել են երկու F-39 ինքնաթիռ, որոնք այս ամիս ավելի վաղ են ստացվել Շվեդիայից:  

Լրացուցիչ պատվերի արժեքը չի բացահայտվել, սակայն փորձագետները կարծում են, որ Բրազիլիային դա 240 մլն դոլար կարժենա: