Ադրբեջանը երաշխիքներ է ուզում ԵՄ-ից, որ Եվրոպան Բաքվից գազ կգնի մինչև 2027 թվականը

Ադրբեջանի փոխարտգործնախարար Էլնուր Մամեդովը հայտարարել է, որ իր երկրին անհրաժեշտ են ԵՄ երաշխիքներ, որ Եվրոպան Բաքվից գազ կգնի մինչև 2027 թվականը։

Երկիրը պետք է համոզվի, որ «դա ինչ-որ ինքնաբուխ պահանջ չէ Ուկրաինայում ռազմական գործողությունների լույսի ներքո».

«Հակամարտությունը մի օր կավարտվի, և դու հանկարծ կսկսես գազ գնել Ռուսաստանից և կասես՝ «հե՜յ, մեզ հիմա գազ պետք չէ»,- ասել է ադրբեջանցի փոխնախարարը։

Մամեդովի խոսքով, Ադրբեջանը կկարողանա կրկնապատկել բնական գազի արտահանումը Եվրոպա միայն այն դեպքում, եթե ներդրումներ կատարի իր խողովակաշարային համակարգում։

Բաքուն և ԵՄ-ն հուլիսին ստորագրեցին էներգետիկ համագործակցության հուշագիր, որը նախատեսում էր մինչև 2027 թվականը գազի մատակարարումների կրկնապատկում։