ՏԵՍԱՆՅՈՒԹ․ Սկի վարչապետն իմ բերանը չի կարողացել փակի․ զոհերի հարազատներին հունից հանեց դատավորի որոշումը

Զոհված զինծառայողների ծնողներին հունից հանեց Վերաքննիչ քրեական դատարանի դատավոր Կարեն Բիշարյանի որոշումը՝ մերժել իրենց դիմումը Նիկոլի դավաճանության գործով որպես երրորդ անձ ներգրավվելու մասին՝ հայտնում է Yerkir.am-ը։

«Սկի վարչապետն իմ բերանը չի կարողացել փակի»,-հայտարարեց նրանցից մեկը։

«Հետո որ ծնողն ասում է՝ «թուրք եք», նեղվում եք, մենակ թուրքը սենց բան կանի, թուրքից բեթար եք»,-ասաց մեկ այլ ծնող։

Դատավորը բավարարվեց հայտարարելով, որ աշխատանքային օրվա ավարտի կապակցությամբ դատական նիստը հետաձգվում է մինչև մայիսի 28-ը՝ ժամը 13։00։

 Նշենք, որ Արծվիկ Մինասյանը և Հակոբ Մարտիրոսյանը 2021 թ-ի հունիսի 11-ին ՀՀ գլխավոր դատախազին հասցեագրել են հանցագործության մասին հաղորդում առ այն, որ 2020 թ-ի սեպտեմբերի 27-ից մինչև նոյեմբերի 9-ը ՀՀ վարչապետի պաշտոնը զբաղեցրած անձը՝ Նիկոլ Փաշինյանը, ուղղակի դիտավորությամբ կատարել է արարքներ, որոնցով օգնել է Ադրբեջանի Հանրապետությանը, որպեսզի վերջինիս կողմից Արցախի Հանրապետության դեմ իրականցված թշնամական գործունեության արդյունքում Ադրբեջանի Հանրապետության վերահսկողության ներքո անցնեն հայկական զինված ուժերի կողմից նախկինում ազատագրված Արցախի տարածքային ամբողջականության մաս կազմած տարածքները, այդ թվում՝ Հադրութի շրջանը և Շուշի քաղաքը, ինչը պաշտոնապես ամրագրվել է 2020թ նոյեմբերի 9-ին Ադրբեջանի նախագահի հետ ՀՀ վարչապետ Փաշինյանի ստորագրված հայտարարությամբ։ Բողոքաբերները գտնում են, որ Դատախազությունն անգործություն է ցուցաբերել՝ այս հաղորդման հիման վրա Փաշինյանի հանդեպ դավաճանության հատկանիշներով  քրեական գործ չհարուցելով, այլ հաղորդումը բաժանելով երկու մասի և կցելով այլ գործերի։ Առաջին ատյանի դատարանը, սակայն, գտել է, որ Դատախազությունը անգործություն չի ցուցաբերել․ այս որոշումն էլ Արծվիկ Մինասյանն ու Հակոբ Մարտիրոսյանը  վիճարկել են Վերաքննիչ դատարանում։

Մանրամասն՝ տեսանյութում․