Ռուսները ներխուժել են Մարիուպոլի «Ազովստալ» գործարան

Ռուսական զորքերը ներխուժել են Մարիուպոլի «Ազովստալ» գործարանի տարածք, որտեղ գտնվում են ուկրաինացի զինվորականներ և քաղաքացիական անձինք։ Քաղաքի պաշտպանների հետ կապ չկա։ Այս մասին հայտնում է «Украинская правда»  հրատարակությունը՝ հղում կատարելով սեփական աղբյուրներին։

Ազովստալում թեժ մարտեր են ընթանում:

Մարիուպոլի քաղաքապետ Վադիմ Բոյչենկոն լրատվամիջոցներին հետ զրույցում մասամբ հաստատել է տեղեկությունը։ Ազգային հեռուստամարաթոնի ուղիղ եթերում նա ասել է. «Այսօր ծանր մարտեր են ընթանում մեր ամրոցի՝ «Ազովստալ»-ի տարածքում։ Մեր տղաները այս բերդն են պաշտպանում, բայց շատ ծանր, քանի որ ծանր հրետանիով են աշխատում այս ամրոցի ուղղությամբ, տանկերով են աշխատում, օդանավերն են աշխատում, նավերը մոտեցել են և նաև հարձակվում են այս ամրոցի վրա»: