ՏԵՍԱՆՅՈՒԹ․ Այստեղից ենք սկսում քայլերթը, որ ցույց տանք՝ տեր ենք մեր ազատագրության դատին․ Արթուր Խաչատրյանը՝ Դրոյի շիրմին

Բաշ Ապարանից մեկնարկած՝ «Դիմադրություն» շարժման քայլերթի մասնակիցները ԱԺ «Հայասատան» խմբակցության պատգամավոր Արթուր Խաչատրյանի կոչով երգեցին Դրոյի երգը՝ դաշնակցական զորավար Դրաստամատ Կանայանի շիրմի մոտ, որտեղից մեկնարկեց երթը՝ հայտնում է Yerkir.am-ը։

«Մենք այս սրբազան վայրից սկսում ենք մեր քայլերթը, որպեսզի ցույց տանք, որ մենք տեր ենք մեր երկրին, տեր ենք մեր ազատագրության դատին և տեր ենք մեծ Դրոյի, Արամ Մանուկյանի, Դանիել Բեկ-Փիրումյանի, Մովսես Սիլիկյանի, Ասկոլկա Աշոտի, Թաթուլ Կրպեյանի, Մոնթեի, Լիոնիդ Ազգալդյանի թողած ժառանգությանը, և մենք թույլ չենք տա, որ դրսի թշնամիները և նրանց ներսի համախոհները Հայաստանը, Արցախը տանեն կործանման»,-հայտարարեց Արթուր Խաչատրյանը։

Նշենք, որ Հայաստանի խորհրդանշական 4 կողմերից՝ Իջևանից, Տիգրանաշենից, այսօր արդեն՝ Սարդապատից ու Բաշ Ապարանից արժանապատիվ քաղաքացիները քայլերթերով շարժվում են Երևան, որպեսզի մայիսի 1-ին միանան համազգային հանրահավաքին։ Զուգահեռ Երևանում անցկացվում են ամենօրյա ապակենտրոն իրազեկման ակցիաներ։

Մանրամասն՝ տեսանյութում․