Շվեդիայի վարչապետը դեմ է ՆԱՏՕ-ին անդամակցելուն

Շվեդիայի վարչապետ Մագդալենա Անդերսոնը մերժել է ուկրաինական ճգնաժամի պատճառով ՆԱՏՕ-ին անդամակցելու ընդդիմության կոչերը՝ հայտարարելով, որ այդ հայտն ապակայունացնում է Եվրոպայի անվտանգությունը, հաղորդում  է ՏԱՍՍ-ը։

Շվեդիան 1814թ․ ի վեր չի մասնակցել պատերազմին եւ իր արտաքին քաղաքականությունը կառուցում է ռազմական դաշինքներին չմասնակցելու վրա, սակայն վերջին տարիներին նա ավելի սերտ կապեր է զարգացրել ՆԱՏՕ-ի հետ, քանի որ Ռուսաստանի հետ լարվածությունն աճում է Բալթյան տարածաշրջանում:

«Եթե Շվեդիան որոշի հայտ ներկայացնել  ՆԱՏՕ-ին անդամակցելու մասին այս  իրավիճակում, դա էլ ավելի կապակայունացնի Եվրոպան եւ կուժեղացնի լարվածությունը»,- լրագրողներին ասել է Անդերսոնը:

«Ես միշտ հստակ ասել եմ, որ Շվեդիայի անվտանգության եւ Եվրոպայի անվտանգության համար ավելի լավ կլինի, եթե կառավարությունը երկարաժամկետ, հետեւողական եւ կանխատեսելի քաղաքականություն վարի, եւ ես շարունակում եմ հավատալ դրան»,- ասել է նա։