Վրաստանը բանակցություններ է վարում ռուսական ինքնաթիռների համար երկնքի փակման շուրջ

Վրաստանի կառավարությունը բանակցություններ է վարում գործընկերների, այդ թվում՝ հարևան երկրների հետ՝ քննարկելով Ռուսաստանի համար օդային տարածքի հնարավոր փակման հարցը։ Այս մասին երկուշաբթի հայտարարել է Վրաստանի փոխվարչապետ, էկոնոմիկայի և կայուն զարգացման նախարար Լևան Դավիթաշվիլին կառավարության նիստից հետո կայացած ճեպազրույցում. հայտնում է ՏԱՍՍ-ը։

«Մենք մի փոքր զգուշավոր ենք այս հարցում։ Մենք խորհրդակցում ենք գործընկերների հետ, այդ թվում՝ տարածաշրջանի երկրների հետ»,- ասել է նա՝ հավելելով, որ Վրաստանի օդային տարածքն օգտագործվում է նաև, որպես տարանցիկ, հարևան երկրների կողմից՝ դեպի Ռուսաստանի Դաշնություն թռիչքների համար։