Թուրքիան և Ուկրաինան բանակցություններ են վարում Դոնբասի դեմ համատեղ հարձակման շուրջ

Եթե Ռուսաստանը կարող էր իրեն թույլ տալ ոչ միանշանակ դիրքորոշում Հայաստանի և Ադրբեջանի հարցում, ապա բանդերական Ուկրաինայի հարցում ոչ մի հարց չկա. հայտարարել է «Ժամանակի էությունը» շարժման ղեկավար Սերգեյ Կուրղինյանը «Կիրակնօրյա երեկո Վլադիմիր Սոլովյովի հետ» հաղորդման ժամանակ։

«Հարց է առաջանում՝ ի՞նչ են պայմանավորելու Ուկրաինան և Թուրքիան փակ բանակցությունների ներկա փուլում, որոնք ուկրաինական և թուրքական կողմերն ակտիվորեն վարում են Դոնբասի վրա լայնամասշտաբ հարձակման հարցի շուրջ`այն մաքրելու նպատակով:

Դուք հասկանալիորեն վարում եք փակ բանակցություններ և կարծում եք, որ մենք չգիտե՞նք դրանց մասին: Թե՞ չգիտենք դրանց բովանդակությունը: Այս բանակցություններում ձեր արտասանած յուրաքանչյուր բառ հայտնի է: Դուք ցանկանում եք Թուրքիային ներքաշել այս պատերազմի մեջ: Նախագահի մամուլի քարտուղարն արդեն սկսել է ասել, որ մենք շատ մեծ տարաձայնություններ ունենք Թուրքիայի հետ Ղրիմի հարցում, նրանց հետ փորձում եք կիրառել անօդաչու թռչող սարքերի փորձը ԼԴԺՀ-ի վրա հարձակվելու համար, ինչ-որ բանակցություններ եք վարում, փորձում եք կրկնօրինակել Ադրբեջանին»,–  ասել է Կուրղինյանը՝ դիմելով ուկրաինամետ հյուրերին:

Նա նշել է, որ այս բոլոր քայլերը կարող են կատարվել միայն խելագարների կողմից, որոնք իրենց երկիրը տանում են դեպի ամբողջական կործանում: Միևնույն ժամանակ, ըստ Կուրղինյանի, հենց Թուրքիան դաշինք կնքի Ուկրաինայի հետ Դոնբասի և Ղրիմի հարցում, Ռուսաստանը կունենա առաջնահերթությունների նոր համակարգ, քանի որ մենք խոսում ենք Ռուսաստանի հանդեպ ծայրաստիճան թշնամական Թուրքիա-Ուկրաինա-Ադրբեջան մեկ պետության ստեղծման մասին: